«Ո՞ւր թռավ փոքրիկ իշխանը, խոսաց, փախավ»․ Արթուր Հովհաննիսյան

«Ո՞ւր թռավ Լևոն Քոչարյանը՝ փոքրիկ իշխանը, խոսաց, փախավ»,- «Հայաստան» խմբակցության պատգամավոր Լևոն Քոչարյանի ելույթից ու հաջորդած ծեծկռտուքից հետո իր ելույթն այսպես սկսեց ՔՊ-ական Արթուր Հոհաննիսյանը։ «Լևոն Քոչարյա՛ն, եթե նեղվել ես վարչապետի խոսքերից՝ ուղղված ձեր խմբակցությանը, իմացի, որ հաջորդ հարցուպատասխանին ավելի խիստ գնահատականներ են սպավում։ Լսի, Լևոն Քոչարյա՛ն, էդ որ ստեղ ծեծերից ես խոսում, կգնաս հորդ կհարցնես՝ ոնց էին մարդկանց զուգարանում ծեծում, ոնց էին մարտի 1-ին դիմահար կրակով մարդկանց սպանում փողոցներում, ոնց է տեղի ունեցել հոկտեմբերի 27․․․կգնաս հորդ կհարցնես, թե ձեզ ինչ էին ասում շարքային քաղաքացիները, ում թալանում էիք։ Ո՞վ եք դուք, որ խոսաք կոռուպցիայից, թալանից»,- ասաց նա՝ շարունակելով վիրավորել նաև դաշնակցականներին՝ նրանց անվանելով «օսման դաշնակներ։ Դահլիճից արձագանքեց «Հայաստան» խմբակցության պատգամավոր Թադևոս Ավետիսյանը, որին ի պատասխան Հովհաննիսյանն ասաց․ «Հլը մի հատ հանգստացի, Թադևոս Ավետիսյան, կամ Ավետիս Թադևոսյան, իմ ելույթի ժամանակ տեղից չխոսաք․․․չափերդ հեսա ցույց կտամ քեզ»։