Ադրբեջանը ներկայացրել է Երևանի հետ բանակցությունների ձևաչափը

940

Չորեքշաբթի, 14 մայիսի, 2025 թ., 20:18

Ադրբեջանը պատրաստ է շարունակել երկկողմ երկխոսությունը Հայաստանի հետ Բաքվի և Երևանի միջև հարաբերությունների կարգավորման հետ կապված հարցերի շուրջ։ Այս մասին հայտարարել է Ադրբեջանի փոխարտգործնախարար Էլնուր Մամեդովը Լյուքսեմբուրգում ընթացող՝ Եվրոպայի խորհրդի Նախարարների կոմիտեի 134-րդ նստաշրջանում։

Միևնույն ժամանակ, Մամեդովը ընդգծել է, որ «Խաղաղության հաստատման մասին համաձայնագրի տեքստի ստորագրման հիմնական պայմանը Հայաստանի Սահմանադրությունը փոփոխելու անհրաժեշտությունն է՝ Ադրբեջանի ինքնիշխանության և տարածքային ամբողջականության նկատմամբ հավակնությունները վերացնելու համար»։

Նա նաև նշել է «հնացած և անգործունակ ԵԱՀԿ Մինսկի խումբը և դրա հետ կապված կառույցները պաշտոնապես լուծարելու անհրաժեշտությունը»։