Էստոնիան և ՆԱՏՕ-ն փորձել են կալանել ռուսական նավահանգիստ ուղևորվող նավթատար նավը

Էստոնիայի ռազմածովային ուժերը և ՆԱՏՕ-ի ինքնաթիռները փորձել են Բալթիկ ծովում կալանել Գաբոնի դրոշի ներքո նավարկող նավթատար, որը ուղևորվում էր դեպի ռուսական նավահանգիստ։

Դեպքը տեղի է ունեցել Ֆինլանդական ծոցի ջրերում։ Էստոնական զինվորականները փորձել են ստիպել նավին՝ լքել միջազգային ջրերը և հետևել իրենց դեպի Էստոնիայի տարածքային ջրեր, որտեղ նրանք կունենային այն կալանելու լիակատար իրավունք։

Այդ նպատակով Էստոնիայի ռազմածովային ուժերն սկսել են սպառնալ նավին նավախոյերով և երկու անգամ փորձել են ուղղաթիռից դեսանտ իջեցնել, ինչպես նաև օգտագործել են մարտավարական ավիացիոն աջակցություն։

Սակայն նավի անձնակազմը հրաժարվել է թույլ տալ էստոնացի զինվորականներին՝ մտնել նավ: Ռուսական Սու-35 կործանիչը վերջ դրել բախմանը՝ ստիպելով էստոնական նավատորմին՝ հրաժարվել իր մտադրություններից։

Դրանից հետո Էստոնիան մեղադրել է Ռուսաստանին իր օդային տարածքը խախտելու մեջ և Էստոնիայում Ռուսաստանի գործերի ժամանակավոր հավատարմատար Լենար Սալիմուլինին կանչել է Արտաքին գործերի նախարարություն, որտեղ նրան բողոքի նոտա են հանձնել։