Բրիտանացի տղամարդուն սխալմամբ ազատազրկել են 38 տարի

1096

Հինգշաբթի, 15 մայիսի, 2025 թ., 00:39

Մեծ Բրիտանիայի վերաքննիչ դատարանը չեղյալ է հայտարարել սպանության համար դատավճիռները մի տղամարդու նկատմամբ, ով սխալմամբ 38 տարի անցկացրել է բանտում։ Սա համարվում է երկրի պատմության մեջ արդարադատության ոլորտում ամենաերկարատև սխալմունքը, գրում է Guardian-ը։

68-ամյա Փիթեր Սալիվանը 1987 թվականին սխալմամբ դատապարտվել էր Անգլիայի հյուսիս-արևմուտքում մի երիտասարդ կնոջ սպանության համար։ Նա միշտ պնդել է իր անմեղությունը, և նրա փաստաբանները երկու անգամ փորձել են բողոքարկել դատավճիռը, սակայն՝ ապարդյուն։

Քրեական գործերի վերանայման հանձնաժողովի (CCRC) պահանջով անցկացված նոր թեստերը ցույց են տվել, որ Սալիվանի ԴՆԹ-ն բացակայում է հանցագործության վայրից վերցված նմուշներում։ Փոխարենը, գտնված ոտնահետքերը պատկանում էին մեկ այլ անհայտ տղամարդու։ Հիմա Սալիվանը պատրաստվում է բանտից դուրս կյանքին: