Երկուշաբթի, 23 փետրվարի, 2026 թ.
|
Ստեփանակերտում`   +9 °C

«ԵՄ-ՀՀ հարաբերությունները խորանում են աննախադեպ տեմպերով»․ Արտաքին կապերի եվրոպական ծառայություն

«ԵՄ-ՀՀ հարաբերությունները խորանում են աննախադեպ տեմպերով»․ Արտաքին կապերի եվրոպական ծառայություն
617
Հինգշաբթի, 15 մայիսի, 2025 թ., 14:51

Եվրամիության արտաքին քաղաքականության և անվտանգության հարցերով բարձր ներկայացուցիչ Կայա Կալասի և ՀՀ ԱԳ նախարար Արարատ Միրզոյանի հանդիպման վերաբերյալ Արտաքին կապերի եվրոպական ծառայությունը X-ի միկրոբլոգում գրառում է կատարել:

«Հայաստանի հետ հարաբերությունները շարունակում են խորանալ աննախադեպ տեմպերով։ Քննարկվել են ԵՄ աջակցությունը Հայասատնի և Ադրբեջանի հարաբերությունների կարգավորման գործընթացին»,- նշված է գրառման մեջ։

Մայիսի 14-ին ՀՀ արտաքին գործերի նախարար Արարատ Միրզոյանն աշխատանքային այց էր կատարել Բրյուսել, որտեղ հանդիպում էր ունեցել Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասի հետ։

ՀՀ ԱԳՆ-ի փոխանցմամբ՝ զրուցակիցները քննարկել են ՀՀ-ԵՄ գործընկերության խորացման հարցում ձևավորված տեսլականն ու հեռանկարները, ինչպես նաև համատեղ աշխատանքներն՝ ուղղված կոնկրետ ուղղություններով համագործակցության ընդլայնմանը։