«Ռուսաստանի նախագահը ռիսկային խաղ է խաղում». Միք Ռայա

Ռուսաստանի նախագահ Վլադիմիր Պուտինի և արտգործնախարար Սերգեյ Լավրովի բացակայությունը Ստամբուլում կարող է Սպիտակ տանն ընկալվել՝ որպես վիրավորանք։ Այսպես է կարծում ավստրալացի ռազմական փորձագետ, թոշակի անցած գեներալ-մայոր Միք Ռայանը:

Ինչպես նշում է Ռայանը Financial Review-ի իր սյունակում, Վլադիմիր Զելենսկին, ձգտելով պահպանել ԱՄՆ-ի աջակցությունը և սկսել խաղաղության գործընթացը, թռավ Ստամբուլ։ Ռուսաստանի նախագահը, սակայն, Թուրքիա չի եկել։ «Պուտինի համար սա, հավանաբար, ևս մեկ լավ մտածված քայլ է՝ ցույց տալու, որ ինքն է վերահսկում լծակները այս պատերազմում, և որ միայն ինքը՝ այն մարդն, ով սկսեց այս պատերազմը 2014 թվականին, կարող է այն ավարտել»,- գրում է փորձագետը։

Նրա կարծիքով, Ռուսաստանի նախագահը ռիսկային խաղ է խաղում. «Պուտինի որոշումը Թրամփի և նրա վարչակազմի կողմից կարող է ընկալվել՝ որպես հաշվարկված վիրավորանք»։

Այս դեպքում Ռուսաստանը կարող է բախվել նոր պատժամիջոցների, ինչպես նաև, հավանաբար, Ուկրաինային ամերիկյան զենքի մատակարարման ավելացման, գրում է փորձագետը։