Պուտինը պաշտոնանկ է արել ցամաքային զորքերի գերագույն հրամանատարին

Պուտինը պաշտոնանկ է արել ցամաքային զորքերի գերագույն հրամանատար Օլեգ Սալյուկովին և նշանակել Ռուսաստանի Դաշնության Անվտանգության խորհրդի քարտուղարի տեղակալ։
2008-2010 թվականներին Սալյուկովը հրամանատարել է Հեռավոր Արևելքի ռազմական օկրուգի զորքերը, որից հետո մինչև 2014 թվականը զբաղեցրել է Ռուսաստանի զինված ուժերի գլխավոր շտաբի պետի տեղակալի պաշտոնը։ 2014 թվականի մայիսին, նախագահի հրամանագրով, նա նշանակվել է Ցամաքային զորքերի գերագույն հրամանատար։ 2023 թվականին նա նշանակվել է Ուկրաինայում գտնվող ռուսական զորքերի միացյալ խմբավորման հրամանատարի տեղակալ։ Բացի այդ, Սալյուկովը գլխավորել է Կարմիր հրապարակում Հաղթանակի 80-ամյակին նվիրված զորահանդեսը 2025 թվականի մայիսի 9-ին։

Սալյուկովը գտնվում է մի շարք արևմտյան երկրների կողմից սահմանված պատժամիջոցների տակ, որոնք սահմանվել են Ռուսաստանի կողմից Ուկրաինա լայնածավալ ներխուժման կապակցությամբ։

Ռուսաստանի Դաշնության Անվտանգության խորհուրդը, որի կազմում այժմ ընդգրկված է Օլեգ Սալյուկովը, 2024 թվականից գլխավորում է նախկին պաշտպանության նախարար Սերգեյ Շոյգուն։