Ստամբուլում քառակողմ հանդիպման վերաբերյալ վերջնական որոշում դեռևս չկա

Թուրքիայի արտգործնախարար Հաքան Ֆիդանի և Ռուսաստանի, Ուկրաինայի և Ամերիկայի պատվիրակությունների միջև ուկրաինական ճգնաժամի կարգավորման հարցով Ստամբուլում ուրբաթ օրը քառակողմ հանդիպում անցկացնելու վերաբերյալ դեռևս վերջնական որոշում չկա, «ՌԻԱ Նովոստի»-ին հայտնել է Թուրքիայի արտգործնախարարության խոսնակ Օնջու Քեչելին։
Ավելի վաղ թուրքական պետական ​​«Անադոլու» գործակալությունը, հղում անելով Թուրքիայի արտաքին գործերի նախարարության աղբյուրին, հայտնել էր, որ ուրբաթ օրը Ստամբուլում հանդիպում է կայանալու Թուրքիայի արտաքին գործերի նախարար Հաքան Ֆիդանի, պետքարտուղար Մարկո Ռուբիոյի գլխավորած՝ ԱՄՆ-ի պատվիրակության, Ռուսաստանի նախագահի օգնական Վլադիմիր Մեդինսկու գլխավորած՝ Ռուսաստանի պատվիրակության և Ուկրաինայի պաշտպանության նախարար Ռուստեմ Ումերովի գլխավորած՝ ուկրաինական պատվիրակության միջև։
«Քառակողմ հանդիպում անցկացնելու հարցի վերաբերյալ դեռևս վերջնական որոշում չկա»,- ասել է Քեչելին։