Հինգշաբթի, 23 հուլիսի, 2026 թ.
|
Ստեփանակերտում`   +20 °C

Իսպանիայում մեքենան մխրճվել է երկրպագուների ամբոխի մեջ

Իսպանիայում մեքենան մխրճվել է երկրպագուների ամբոխի մեջ
1692
Ուրբաթ, 16 մայիսի, 2025 թ., 11:15

«Բարսելոնայի» հետ ֆուտբոլային խաղից առաջ մեքենան մխրճվել է «Էսպանյոլի» երկրպագուների ամբոխի մեջ։ Վթարը տեղի է ունեցել մարզադաշտի մոտակայքում։

AS-ի աղբյուրի փոխանցմամբ՝ մեքենայում գտնվող կինը սկզբում անզգուշությամբ հարվածել է մի աղջկա, նրա շուրջը գտնվող մարդիկ սկսել են գոռալ նրա վրա։ Վարորդը նյարդայնանալով, սեղմել է գազի ոտնակը, ինչի հետևանքով մեքենան հանկարծակի առաջ է շարժվել՝ ամբոխի միջով անցնելիս վնասելով ևս մի քանի հոգու։

Կինը ձերբակալվել է։ Շտապօգնության բժշկական ծառայության տվյալներով՝ վիրավորվել է 13 մարդ։

Ինը մարդ հոսպիտալացվել է միջին ծանրության վնասվածքներով, իսկ չորսը՝ թեթև վնասվածքներ են ստացել։