«Ռուսաստանը գոհ է բանակցությունների արդյունքներից»․ Մեդինսկի

Ռուսաստանն ու Ուկրաինան Ստամբուլում համաձայնության եկան, որ կողմերից յուրաքանչյուրը կներկայացնի հնարավոր հրադադարի իր տեսլականը և մանրամասն կնկարագրի այն։ Այս մասին բանակցություններից հետո լրագրողներին ասել է ռուսական պատվիրակության ղեկավար, Ռուսաստանի նախագահի օգնական Վլադիմիր Մեդինսկին՝ հավելելով, Ռուսաստանը գոհ է արդյունքներից և պատրաստ է շարունակել շփումները։

«Ռուսաստանի և Ուկրաինայի պատվիրակությունները համաձայնության են եկել բանակցությունների նոր փուլի վերաբերյալ»,- սոցկայքի իր էջում գրառում է կատարել նաև Թուրքիայի արտաքին գործերի նախարար Հաքան Ֆիդանը։