Իսրայելը Գազայի բնակիչներին զգուշացրել է «աննախադեպ հարվածի» մասին

Իսրայելի բանակն իր խոսնակի միջոցով Գազայի հատվածի բնակիչներին կոչ է արել անհապաղ լքել իրենց տները։

Հայտարարության մեջ ասվում է. «Խան Յունիսի, Բանի Սուհեյլայի և Աբսան նահանգների բնակիչնե՛ր,

Իսրայելի պաշտպանության բանակն աննախադեպ հարված կհասցնի նշված տարածքներում ահաբեկչական կազմակերպությունների ուժերը ոչնչացնելու համար։

Ձեր անվտանգությունից ելնելով՝ անհապաղ տարհանվե՛ք»։

Նախօրեին Իսրայելի պաշտպանության բանակն ակտիվ գործողություններ էր սկսել Գազայի հատվածի հյուսիսային և հարավային շրջաններում։ Գործողությունը կոչվում է «Գեդեոնի կառքեր» և ենթադրում է ցամաքային ուժերի զանգվածային առաջխաղացում։