«Ուկրաինան չի ընդունի Ռուսաստանի վերջնագրերը»․ Զելենսկի

Ուկրաինան չի ընդունի «ռուսական վերջնագրերը» և դուրս չի բերի զորքերը ԴԺՀ-ից, ԼԺՀ-ից, Զապորոժյեից և Խերսոնի մարզերից, հայտարարել է նախագահ Վլադիմիր Զելենսկին՝ ԱՄՆ նախագահ Դոնալդ Թրամփի հետ զրույցից հետո, որը հաջորդել էր Պուտին-Թրամփ հեռախոսազրույցին, հայտնում է ТСН-ը։

Զելենսկին նշել է նաև, որ Ուկրաինան չի պատրաստվում հրաժարվել ՆԱՏՕ-ին անդամակցելու իր մտադրությունից։

Bloomberg-ի փոխանցմամբ՝ մայիսի 16-ին Ստամբուլում Մոսկվայի և Կիևի պատվիրակությունների միջև ուղիղ բանակցությունների ժամանակ ռուսական կողմն առաջ էր քաշել «խիստ պահանջներ», այդ թվում՝ Ղրիմը, ԴԺՀ-ն, ԼԺՀ-ն, ինչպես նաև Զապորոժյեի և Խերսոնի մարզերը որպես ռուսական տարածք ճանաչելը։ Գործակալության տվյալներով, Մոսկվան հայտնել էր նաև իր պատրաստակամությունը՝ համաձայնել հրադադարին, եթե Ուկրաինան դուրս բերի իր զորքերը վերջին չորս շրջաններից։
Ուկրաինայի կառավարության անանուն բարձրաստիճան պաշտոնյայի փոխանցմամբ՝ Զելենսկին և Թրամփը զրուցել են 10-15 րոպե, Զելենսկին Թրամփին կոչ էր արել խստացնել Ռուսաստանի դեմ պատժամիջոցները։