ՄԱԿ-ի հումանիտար օգնությամբ առաջին բեռնատարները մուտք են գործել Գազայի հատված

Իսրայելը և ՄԱԿ-ը հայտարարել են, որ օգնություն տրամադրող առաջին բեռնատարները մուտք են գործել Գազա՝ գրեթե երեք ամիս Իսրայելի կողմից սննդի, դեղորայքի և այլ մատակարարումների շրջափակումից հետո, հայտնել է The Associated Press-ը։

«Սակայն սա կաթիլ է օվկիանոսում՝ հաշվի առնելով առկա կարիքները»,- հայտարարության մեջ նշել է Ֆլետչերը՝ այս քայլն անվանելով «ողջունելի զարգացում»։

Սննդի անվտանգության մասնագետները վեջին շրջանում զգուշացրել էին Գազայում սովի մասին։ Վերջին հրադադարի ժամանակ հումանիտար օգնությամբ օրական մոտ 600 բեռնատար էր մուտք գործում Գազա։

Իսրայելի վարչապետ Բենիամին Նեթանյահուն հայտարարել է, որ Գազային «նվազագույն» օգնությունը վերսկսելու իր որոշումը կայացվել է, երբ դաշնակիցները հայտարարել են, որ չեն կարող աջակցել Իսրայելի նոր հարձակմանը, եթե պաղեստինյան տարածքում «սովի տեսարաններ» լինեն։