Սամվել Շահրամանյանը, հնարավոր է, դառնա խորհրդարանի միասնական թեկնածուն. «Հրապարակ»

«Հրապարակ»-ը գրում է. «Այսօր լրանում է Արցախի նախագահի պաշտոնավարման ժամկետը, ուստի՝ Սամվել Շահրամանյանի լիազորություններն այսօրվանից համարվում են դադարեցված։ ԱՀ գործող օրենսդրությամբ և ամիսներ առաջ խորհրդարանի կողմից Սահմանադրությունում կատարված փոփոխության համաձայն, ընտրությունների անհնարինության պարագայում երկրի նախագահ է ընտրում Ազգային ժողովը՝ լիազորությունների ավարտից հետո 10-օրյա ժամկետում։ Արցախի խորհրդարանական խմբակցությունները պետք է ներկայացնեն թեկնածուներ, ով որ ստանա 17 պատգամավորի կողմ քվե, նա էլ կդառնա Արցախի հաջորդ նախագահը։ Մեզ ասացին, որ մինչ այս պահը որևէ ուժ չի հայտնել թեկնածու առաջադրելու մտադրության մասին, հետևաբար՝ Սամվել Շահրամանյանը հնարավոր է դառնա խորհրդարանի միասնական թեկնածուն»: