«Սերժ Սարգսյանը խմբագրում է իր խմբակցության հայտարարությունը»․ Էդմոն Մարուքյան

ԼՀԿ ղեկավար Էդմոն Մարուքյանի թելեգրամյան գրառումը՝ կից տեսանյութով․ «Սերժ Սարգսյանը խմբագրում է
իր խմբակցության հայտարարությունը։

Սերժ Սարգսյանի «Պատիվ ունեմ»-ը օրեր առաջ, երբ իմպիչմենտի նախաձեռնություն դեռ չկար, հայտարարել էր, որ պատրաստ է առանց նախապայմանների տալ իր 6 ստորագրությունները։
Երեկ ՀՀ երրորդ նախագահը խմբագրեց այդ հայտարարությունը՝ ասելով, որ նրանք պատրաստ են սատարել Քոչարյանի խմբակցության կողմից առաջադրված ցանկացած թեկնածուի։

Եվս մեկ անգամ հաստատվեց իմ այն պնդումը, որ նախկին երկու նախագահների առաջնային նպատակը ոչ թե Փաշինյանին հեռացնելն է, այլ իշխանության գալը՝ անձամբ կամ իրենց ներկայացուցչին վարչապետի աթոռում տեղավորելով։

Արձանագրում ենք՝ մեր երկրում շաքարավազի մենաշնորհին փոխարինելու է եկել քաղաքական մենաշնորհը»։