Սմբատաբերդում պեղումներ են ընթանում

ԿԳՄՍՆ-ն տեղեկացնում է. «Հրաշակերտ Սմբատաբերդում պեղումներ են ընթանում
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի արշավախումբը Վայոց ձորի մարզի Եղեգիս համայնքում գտնվող Սմբատաբերդ ամրոցում իրականացնում է պեղումներ և պարիսպների փլուզված հատվածների մաքրման աշխատանքներ։ Պեղումներին հաջորդելու են վերականգնման աշխատանքները։
Հնագիտական արշավախմբի ղեկավարն է պատմական գիտությունների թեկնածու Ավետիս Գրիգորյանը:
Սմբատաբերդը միջնադարյան Հայաստանի նշանավոր և անառիկ ամրոցներից է։ Հավանաբար, կառուցվել է Բագրատունիների թագավարության շրջանում, ապա եղել է Օրբելյանների իշխանության գլխավոր ամրությունը և պաշտպանել իշխանանիստ Եղեգիս գյուղաքաղաքը»։