«Հուսով ենք՝ անհրաժեշտ պայմաններ կստեղծվեն Երևանի ու Բաքվի միջև վերջնական խաղաղության համար»․ Թուրքիայի ԱԽ

Անկարան հուսով է, որ անհրաժեշտ պայմաններ կստեղծվեն Երևանի և Բաքվի միջև վերջնական խաղաղության համար:

Այս մասին հայտարարվել է նախօրեին Ռեջեփ Թայիփ Էրդողանի գլխավորությամբ գումարված Թուրքիայի Ազգային անվտանգության խորհուրդի նիստում։

«Հանդիպման մասնակիցները գոհունակություն հայտնեցին, որ Ադրբեջանն ու Հայաստանը համաձայնության են եկել խաղաղության պայմանագրի նախագծի շուրջ և վերահաստատեցին, որ ակնկալում են ապահովել վերջնական խաղաղության հաստատման համար անհրաժեշտ պայմանները, որի արդյունքները օգտակար կլինեն տարածաշրջանի բոլոր կողմերի համար», - ասված է Խորհրդի տարածած հայտարարության մեջ։