Պուտինի ուղղաթիռը հայտնվել է ուկրաինական ԱԹՍ-ների գրոհի էպիկենտրոնում

1161

Կիրակի, 25 մայիսի, 2025 թ., 14:02

Կուրսկի մարզ կատարած այցի ժամանակ ՌԴ նախագահ Վլադիմիր Պուտինի ուղղաթիռը փաստացի հայտնվել է ուկրաինական անօդաչու թռչող սարքերի զանգվածային հարձակման էպիկենտրոնում, «Ռոսիա 24» հեռուստաալիքի եթերում հայտնել է ՀՕՊ դիվիզիայի հրամանատար Յուրի Դաշկինը։ «Նախագահի ուղղաթիռը իրականում գտնվում էր թշնամու անօդաչու թռչող սարքերի զանգվածային հարձակումը հետ մղելու էպիկենտրոնում», - ասել է նա։
Ինչպես նշվում է հեռուստաալիքի կայքում տեղադրված նյութում, Դաշկինի խոսքով՝ անօդաչու թռչող սարքերի զանգվածային հարձակումը հաջողությամբ հետ է մղվել, և ռուս զինվորականները լիովին ապահովել են նախագահի անվտանգությունը։