«Ադրբեջանն Ուկրաինայի ռազմավարական գործընկերն է». Սիբիհա

Ուկրաինայի արտաքին գործերի նախարար Անդրեյ Սիբիհան Բաքու կատարած այցի արդյունքներով Ադրբեջանն անվանել է չափազանց կարևոր գործընկեր, նախևառաջ՝ էներգետիկ ոլորտում։

«Ուկրաինան պատրաստ է Ադրբեջանի համար Եվրոպայում էներգետիկ հանգույց դառնալ։

Ադրբեջանը չափազանց կարևոր գործընկեր է Ուկրաինայի կայուն զարգացման ամրապնդման համար, մասնավորապես՝ էներգետիկ ոլորտում, ինչպես նաև արդար և կայուն խաղաղության հասնելու համար։ Ադրբեջանը ռազմավարական գործընկեր է, և հիմա ժամանակն է նոր թափ հաղորդել այս գործընկերությանը՝ ամենաբարձր քաղաքական մակարդակով։ Սա նաև համաձայնեցվել է Դավոսում Ուկրաինայի նախագահ Վլադիմիր Զելենսկու և Ադրբեջանի նախագահ Իլհամ Ալիևի միջև»,- ասել է Սիբիհան։