Կրեմլը նշել է Թրամփի, Զելենսկու և Պուտինի հանդիպման նախապայմանները

ԱՄՆ-ի, Ուկրաինայի և Ռուսաստանի նախագահներ Դոնալդ Թրամփի, Վլադիմիր Զելենսկու և Վլադիմիր Պուտինի միջև ուղիղ բանակցությունները հնարավոր են, եթե Ստամբուլում Մոսկվայի և Կիևի ներկայացուցիչների հանդիպման ժամանակ արդյունքներ գրանցվեն, հայտարարել է Ռուսաստանի առաջնորդի մամուլի քարտուղար Դմիտրի Պեսկովը, հաղորդում է RBC-ի թղթակիցը։

«Պուտինը բազմիցս ասել է, որ ինքն սկզբունքորեն կողմ է ամենաբարձր մակարդակով շփումներին, իհարկե, դրանք պահանջված են, բայց դրանք պետք է նախապատրաստված լինեն, և նախ արդյունքի պետք է հասնել երկու երկրների պատվիրակությունների միջև ուղիղ բանակցություններում։ Եթե նման արդյունքի հասնեն, ապա, իհարկե, կարող ենք խոսել ամենաբարձր մակարդակով շփումների մասին»,- ասել է նա։

Ռուսաստանի և Ուկրաինայի միջև բանակցությունների երկրորդ փուլը կկայանա հունիսի 2-ին Ստամբուլում։ Մինչ այդ կողմերը հանդիպել էին այնտեղ 2022 թվականից ի վեր առաջին անգամ՝ մայիսի 16-ին։ Արդյունքում համաձայնություն էր ձեռք բերվել ռազմագերիների փոխանակման վերաբերյալ՝ «1000-ը 1000-ի դիմաց» բանաձևով և հրադադարի պայմանների ձևավորման վերաբերյալ։