Արամ Հովհաննիսյանն ազատվել է պաշտոնից

ՀՀ վարչապետը որոշում է ստորագրել. «Ղեկավարվելով «Ոստիկանությունում ծառայության մասին» օրենքի 13-րդ հոդվածի 2-րդ մասով, 45-րդ հոդվածի 1-ին մասի 1.1-ին կետով և 2-րդ մասով, ինչպես նաև «Հանրային ծառայության մասին» օրենքի 9-րդ հոդվածի 7-րդ մասով՝ Արամ Հովհաննիսյանին ազատել ոստիկանության պետ-ներքին գործերի նախարարի տեղակալի պաշտոնից և ոստիկանությունում ծառայությունից»,- նշված է տեքստում:

Ավելի վաղ Շամշյանը հայտնել էր, որ Արամ Հովհաննիսյանը թոշակի անցնելու կապակցությամբ ծառայությունից ազատվելու վերաբերյալ դիմում է ներկայացրել: 24TV-ն էլ գրել էր, որ, ըստ տեղեկությունների, նրանից հրաժարականի դիմում է պահանջել Նիկոլ Փաշինյանը։ Հնարավոր է՝ Հովհաննիսյանի հրաժարականը կապված է որդու անվան շուրջ վերջին շրջանում հրապարակվող կոռուպցիոն լուրերով: