Ստամբուլում մեկնարկել է ՌԴ-Ուկրաինա բանակցությունների 2-րդ փուլը

832

Երկուշաբթի, 02 հունիսի, 2025 թ., 16:22

Ստամբուլում մեկնարկել է Ուկրաինայի և Ռուսաստանի պատվիրակությունների հանդիպումը, հաղորդում է Ուկրաինայի պաշտպանության նախարարությունը։

Ուկրաինական կողմը ներկայացնում է պաշտպանության նախարար Ռուստեմ Ումերովը։

ՌԴ պատվիրակությունը գլխավորում է նախագահի օգնական Վլադիմիր Մեդինսկին։

Ավելի վաղ հաղորդվել էր, որ բանակցությունների ընթացքում կողմերը կքննարկեն հրադադարի վերաբերյալ իրենց հուշագրերի նախագծերը։

Բանակցություններում որպես միջնորդ հանդես է գալիս Թուրքիան։

Թուրքական պատվիրակության կազմում են արտգործնախարար Հաքան Ֆիդանը, Թուրքիայի հետախուզության ղեկավարը և գլխավոր շտաբի պետը, հաղորդում է TASS-ը։

Բացման խոսքում Ֆիդանը հայտնել է, որ Ռուսաստանը և Ուկրաինան բանակցությունների երկրորդ փուլում կքննարկեն հրադադարի պայմանները, ինչպես նաև գերիների և քաղաքացիական անձանց փոխանակումը։

Թեմաներից մեկը, ըստ նրա, երկու պետությունների ղեկավարների հնարավոր հանդիպումն է։