Ակտիվիստները գողացել են Մակրոնի մոմե արձանը և տարել ՌԴ դեսպանատան մոտ

Փարիզի Գրևենի մոմե արձանների թանգարանից գողացել են նախագահ Էմանուել Մակրոնի արձանը, հաղորդում է BFMTV հեռուստաընկերությունը։ Գողության համար պատասխանատվությունը ստանձնել են Greenpeace-ի ակտիվիստ ներկայացած անձինք, ովքեր մտել են թանգարան՝ որպես սովորական այցելուներ։ Շենքում նրանք հագել են աշխատանքային հագուստ և, ներկայանալով որպես թանգարանի աշխատակիցներ, վերցրել են 40 հազար եվրո արժողությամբ Մակրոնի արձանը, ծածկել այն և դուրս բերել ծառայողական մուտքով։ Այնուհետև արձանը տեղափոխվել է Ռուսաստանի դեսպանատան մոտակա տարածք, որտեղ օգտագործվել է ռուսական գազի և պարարտանյութերի գնման դեմ բողոքի ակցիայի ժամանակ։

«Մակրոնն աջակցում է Ուկրաինային՝ միաժամանակ ֆրանսիական բիզնեսներին կոչ անելով շարունակել առևտուրը Ռուսաստանի հետ և գնել ռուսական պարարտանյութեր ու գազ»,- պարզաբանել է Greenpeace France-ի գործադիր տնօրեն Ժան-Ֆրանսուա Ժյուլիարը։