«Սխալ կլիներ ՌԴ-Ուկրաինա բանակցություններից անհապաղ արդյունք սպասել»․ Պեսկով

«Սխալ» կլիներ ռուսական և ուկրաինական կողմերի միջև ուղիղ բանակցությունների երկրորդ փուլից «անհապաղ» որոշումներ և առաջընթաց ակնկալել, ասել է Ռուսաստանի նախագահի մամուլի քարտուղար Դմիտրի Պեսկովը։

Նա նշել է, որ հանդիպման ժամանակ կարևոր պայմանավորվածություններ են ձեռք բերվել։

«Այդ պայմանավորվածությունները կիրականացվեն, որից հետո աշխատանքը կշարունակվի։ Մենք սպասում ենք հուշագրի հետ կապված արձագանքին, որը փոխանցվել է»,- նշել է Կրեմլի խոսնակը։

Պեսկովը հավելել է, որ հուշագրի ռուսական տարբերակի իմաստը «հակամարտության արմատական ​​պատճառների վերացումն է և դեպի կայուն կարգավորում շարժվելը»։

Պեսկովի խոսքով՝ Ռուսաստանի կողմից փաստաթղթի կետերի վերաբերյալ հնարավոր փոխզիջումների թեման չի կարող հրապարակայնորեն քննարկվել։