Արմեն Գևորգյանը մեղադրվում է շուրջ 5 միլիարդ դրամի փողերի լվացման մեջ
![]() 594 Երեքշաբթի, 03 հունիսի, 2025 թ., 16:54 ՀՀ հակակոռուպցիոն կոմիտեից հայտնում են․ «ՀՀ հակակոռուպցիոն կոմիտեում քննված բազմադրվագ քրեական վարույթով իրականացված մեծածավալ ապացուցողական և վարութային այլ գործողությունների արդյունքում հիմնավորվել է, որ 2000-2018 թվականների ընթացքում ՀՀ նախագահի առաջին օգնականի, ՀՀ նախագահի աշխատակազմի ղեկավարի, ՀՀ ազգային անվտանգության խորհրդի քարտուղարի, ՀՀ տարածքային կառավարման և զարգացման նախարար-փոխվարչապետի ու ՀՀ փոխվարչապետի պաշտոնները զբաղեցրած անձը հանցավոր ճանապարհով ստացված գույքերի իրական բնույթն ու ծագումը թաքցնելու և խեղաթյուրելու նպատակով օրինականացրել է 4.921.302.379 ՀՀ դրամի չափով՝ ապօրինի եղանակով ստացված եկամուտները։ Նախաքննությամբ պարզվել է, որ վերը նշված բարձրաստիճան պաշտոնատար անձի և վերջինիս մերձավոր ազգականների անվամբ 2004-2018 թվականների ընթացքում գրանցվել է Երևան քաղաքում և ՀՀ մարզերում գտնվող՝ հիշյալ պաշտոնյային փաստացի պատկանող ընդհանուր 39 անշարժ գույքերի նկատմամբ սեփականության իրավունքը։ Մասնավորապես՝ Երևան քաղաքում և ՀՀ մարզերում գտնվող անշարժ գույքերի պայմանագրային արժեքը կազմել է 751.268.208 ՀՀ դրամ, մինչդեռ նույն անշարժ գույքերի միջին շուկայական արժեքը գործարքի կատարման ժամանակ ընդհանուր կազմել է ավելի քան 4.843.530.000 ՀՀ դրամ: Բարձրաստիճան պաշտոնյայի հետ փոխկապակցված անձանց անվամբ Չեխիայի Հանրապետությունում գտնվող ևս 10 անշարժ գույքերի ընդհանուր շուկայական արժեքը կազմել է 391.920.000 ՀՀ դրամին համարժեք 920.000 ԱՄՆ դոլար։ Բացի այդ, պարզվել է, որ նշված անձինք բանկային գործարքների եղանակով շրջանառել են դրամական միջոցներ, սակայն ինչպես գնված անշարժ գույքերի շուկայական արժեքների, այնպես էլ շրջանառված դրամական միջոցների հարաբերակցությունն էականորեն տարբերվել է նրանց կողմից ստացված եկամուտներից։ Հանցավոր ճանապարհով ձեռք բերված առանձնապես խոշոր չափերով գույքն օրինականացնելու (փողերի լվացման) համար ՀՀ նախկին բարձրաստիճան պաշտոնատար անձին մեղադրանք է ներկայացվել 2003 թվականի ապրիլի 18-ին ընդունված ՀՀ քրեական օրենսգրքի 190-րդ հոդվածի 3-րդ մասի 1-ին և 3-րդ կետերով։ Քրեական վարույթով նախաքննությունն ավարտվել է: Վարույթի նյութերը մեղադրական եզրակացությամբ հանձնվել են հսկող դատախազին՝ այն հաստատելու և դատարան ուղարկելու միջնորդությամբ»։ Աղբյուրը` ՀՀ հակակոռուպցիոն կոմիտե |
«Խորապես հիասթափված ենք «Ստամբուլի հռչակագրում» տեղ գտած ձևակերպումների առնչությամբ»․ ՀՀ ԱԳՆ
443Երեկ, 16:42«Ծրագրված հարձակումները նպատակ ունեն լռեցնել Եկեղեցու ձայնը»․ Գարեգին Բ
326Երեկ, 12:42Արարատ Միրզոյանը կմեկնի Չինաստան
226Երեկ, 12:06Արարատ Միրզոյանն ու Կայա Կալասը քննարկել են իրադրությունը տարածաշրջանում
35621.06.2025, 13:18Մանրամասներ՝ Նիկոլ Փաշինյանի ու Ռեջեփ Թայիփ Էրդողանի հանդիպումից
46320.06.2025, 21:42Էրդողան-Փաշինյան հանդիպումը մեկնարկել է
37720.06.2025, 20:12«Տվյալներ են ստացվել հասարակական կարգի խաթարմանն ուղղված գործողությունների նախապատրաստման մասին»․ Նարեկ Սարգսյան
42520.06.2025, 17:42Նիկոլ Փաշինյանին դիմավորել է Թուրքիայի ԱԳ նախարարի տեղակալը (տեսանյութ)
31720.06.2025, 12:48