Կիևում ԱՄՆ-ի դեսպանատունն զգուշացնում է իր քաղաքացիներին

ԱՄՆ Պետդեպարտամենտ Կիևում իր դեսպանատան միջոցով զգուշացրել է ԱՄՆ-ի քաղաքացիներին վերջին շաբաթներին Ուկրաինայի վրա ռուսական հրթիռային և անօդաչու թռչող սարքերի հարվածների ակտիվացման պատճառով սպառնալիքի աճի մասին: Գերատեսչությունը կոչ է արել նախազգուշական միջոցներ ձեռնարկել և պատրաստ լինել անհապաղ ապաստան գտնել, եթե հայտարարվի օդային հարձակման տագնապ:

ԱՄՆ-ի դեսպանատունը խորհուրդ է տալիս Ուկրաինայում գտնվող իր քաղաքացիներին՝ ուշադիր հետևել իրավիճակին և հետևել տեղական իշխանությունների առաջարկություններին: Հիշեցնենք, որ հունիսի 1-ին Ուկրաինան իրականացրել է «Սարդոստայն» լայնածավալ գործողությունը, որը պատրաստվել է մոտ մեկուկես տարի: Հարձակման թիրախը թիկունքում գտնվող հինգ ռուսական ավիաբազաներն են եղել, որոնք, ըստ ուկրաինական կողմի, օգտագործվում էին ուկրաինական քաղաքների վրա հրթիռներ արձակելու համար: