Էրդողանը գոհունակություն է հայտնել ՀՀ-Թուքիա շփումների կապակցությամբ

ՀՀ վարչապետ Նիկոլ Փաշինյանը և Թուրքիայի նախագահ Ռեջեփ Թայիփ Էրդողանը հեռախոսազրույցի ընթացքում քննարկել են Թուրքիայի և Հայաստանի միջև շփումները, ինչպես նաև տարածաշրջանային և գլոբալ հարցեր։ Այս մասին հայտնել է Թուրքիայի նախագահի մամուլի ծառայությունը։

«Նախագահ Էրդողանն ընդգծել է տարածաշրջանում համապարփակ կարգավորման և Ադրբեջանի ու Հայաստանի միջև խաղաղության բանակցությունների կարևորությունը՝ գոհունակություն հայտնելով Թուրքիայի և Հայաստանի միջև շփումների կապակցությամբ»,- ասված է հաղորդագրության մեջ։