Արեգ Շչեպիխինը կալանավորվեց

Հայ գործարար, բլոգեր Արեգ Շչեպիխինը երկու ամսով կալանավորվել է՝ «ծայրահեղականության և ատելություն սերմանելու» հոդվածներով, հայտնում են ռուսական լրատվամիջոցները։

Օրեր առաջ Մոսկվայում՝ Յարոսլավսկի երկաթուղային կայարանի մոտ, մի խումբ անձինք առևանգել էին Շչեպիխինին: Նշվում էր, որ նրա սոցկայքի էջում չեչեններին, մուսուլմաններին վիրավորող տեսանյութեր են հրապարակվել: Չեչնիայի ուժային կառույցները հայտնել էին, որ գործարարին ոչ թե առևանգել են, այլ՝ ձերբակալել։ Թելեգրամյան ալիքները գրել էին, որ չեչենները ծեծել են նրան, ստիպել ներողություն խնդրել։ Քրգործ էր հարուցվել նաև Շչեպիխինի առևանգման գործով անցնող մարդկանց դեմ։