Ներգաղթյալների ընդվզումից հետո Լոս Անջելեսում տեղակայվել են Ազգային գվարդիայի զորքեր

ԱՄՆ-ի բանակը կիրակի օրը հաստատել է, որ Ազգային գվարդիայի զորքերը տեղակայվել են Լոս Անջելեսում՝ ԱՄՆ-ի նախագահ Դոնալդ Թրամփի ներգաղթային քաղաքականության դեմ բողոքի ցույցերի պատճառով։
ԱՄՆ-ի բանակը պարզաբանել է, որ մինչ այժմ մոտ 300 զինվոր է տեղակայվել Լոս Անջելեսի և շրջակայքի 3 տարբեր վայրերում։
Ավելի վաղ Լոս Անջելեսի կենտրոնում անօրինական ներգաղթյալներին հայտնաբերելու նպատակով ԱՄՆ-ի ներգաղթի և մաքսային ծառայության կողմից անցկացված ռեյդը վերածվել է ցուցարարների հետ բախումների։ Սպիտակ տան մամուլի քարտուղար Քերոլին Լևիթը հայտարարել է, որ բողոքի ցույցերի ֆոնին Լոս Անջելեսում կտեղակայվի Ազգային գվարդիայի 2000 զինվոր։
Քալիֆորնիան ավանդաբար համարվում է դեմոկրատների հենակետ, և բազմիցս արժանացել է Թրամփի քննադատությանը։ Անցյալ ամիս նա սպառնացել էր կրճատել պետական ​​​​ֆինանսավորումը՝ տրանսգենդեր մարզիկի մասնակցության պատճառով։ Վարչակազմը նախկինում չեղարկել էր ջրհեղեղների կանխարգելման՝ 126,4 միլիոն դոլարի ծրագրերը և քննադատել էր Քալիֆորնիայի կողմից անտառային հրդեհների դեմ պայքարի մեթոդները։
Շաբաթ օրը Քալիֆորնիայի նահանգապետ Գևին Նյուսոմը սպառնացել էր, որ նահանգը կարող է հրաժարվել դաշնային հարկերի վճարումներից՝ ի պատասխան Թրամփի վարչակազմի կողմից դաշնային ֆինանսավորման հնարավոր զանգվածային կրճատումների։