«Մեր պետության հարատևությունն ապահովելու այսպիսի շանս երբեք չենք ունեցել»․ Նիկոլ Փաշինյան

ՀՀ բարձր տեխնոլոգիական արդյունաբերության նախարար Մխիթար Հայրապետյանը կառավարության նիստում հայտարարեց, որ Հայաստանում կկառուցվի 500 միլիոն դոլար արժողությամբ AI տվյալային կենտրոն:

Նիկոլ Փաշինյանն ասաc, որ առաջարկել է՝ ծրագիրն իրականացվի «Ակադեմիական քաղաք»-ի տարածքում, որտեղ մեծ տարածքներ ու հնարավորություններ կան։

Փաշինյանը հայտարարեց նաև, որ Հայաստանի առաջ բացվել են պետության հարատևությունն ապահովելու հեռանկարներ․ «Մենք դժոխային իրադարձությունների միջով անցնելով հասել ենք մի կետի, որ մեր երկրի առաջ բացվել են այնպիսի հնարավորություններ, որ թույլ տվեք ասել՝ մեր պատմության մեջ մենք այսպիսի շանս՝ ապահովելու պետության հարատևությունը առաջիկա հարյուրամյակների համար, երբեք չենք ունեցել։ Իհարկե, ակնհայտ է, որ կան նաև սպառնալիքներ, ընդ որում, այդ սպառնալիքները եղել են միշտ։ Ոչ մի նոր սպառնալիք չկա։

Բայց ո՞րն է տարբերությունը։ Առաջինը՝ մենք այդ սպառնալիքները կառավարելու տեսական և գործնական հնարավորությոն ենք ստացել, և երկրորդը՝ գոյություն ունեցող սպառնալիքներին որպես հակակշիռ բացվել են անհավանական հեռանկարներ մեր երկրի առաջ»,- ասաց Փաշինյանը։