«Պուտինին չեն մտահոգում իր ծանր կորուստները»․ Թրամփ

Վլադիմիր Պուտինին չի հետաքրքրում Ուկրաինայի դեմ պատերազմի ժամանակ կրած ծանր կորուստները: Այս մասին հարցազրույցի ժամանակ հայտարարել է ԱՄՆ նախագահ Դոնալդ Թրամփը։

Պատասխանելով հարցին, թե ինչ «հաղթաթղթեր» ունի Միացյալ Նահանգները, որպեսզի Ռուսաստանին և Ուկրաինային ստիպի դադարեցնել պատերազմը, Թրամփը պատասխանել է, որ Մոսկվան «ամեն շաբաթ կորցնում է 5000 զինվոր»։

«Գուցե նրան (Պուտինին) դա չի մտահոգում, ես սկսում եմ մտածել, որ նրան դա չի հետաքրքրում: Նա շատ զինվորներ է կորցնում, ինչպես նաև Ուկրաինան: Տեսնենք, թե ինչ կլինի հետո», - ասել է Թրամփը։

Նա նաև հավելել է, որ Ուկրաինայի և Ռուսաստանի միջև բանակցություններում որոշակի առաջընթաց էր գրանցվել, բայց հետո «նրանք ռմբակոծեցին այն, ինչը չպետք է ռմբակոծվեր»: Սա խաթարել է առաջընթացը։