Հնդկաստանում կործանված ինքնաթիռը բախվել է բժիշկների հանրակացարանի տանիքին

Հնդկաստանում կործանված ինքնաթիռն ընկել է բժիշկների համար նախատեսված հանրակացարանի տանիքին, հաղորդում է ANI լրատվական գործակալությունը՝ հղում անելով տեղի ոստիկանության աշխատակցին։
«Ինքնաթիռն ընկել է բժիշկների համար նախատեսված հանրակացարանի շենքի տանիքին։ Անմիջապես ժամանել են ոստիկանությունը և մյուս բոլոր ծառայությունները։ Փրկարարական գործողությունները շարունակվում են, տարածքի 70-80%-ն արդեն մաքրվել է», - ոստիկանության աշխատակցի խոսքերն է մեջբերում լրատվամիջոցը։
Ավելի վաղ հաղորդվել էր, որ ուղևորատար ինքնաթիռ է կործանվել Հնդկաստանի Գուջարաթ նահանգում՝ Ահմեդաբադ քաղաքի օդանավակայանի մոտակայքում։