10 րոպեով թռիչքից ուշացումը փրկել է կնոջ կյանքն ավիաաղետից

2258

Հինգշաբթի, 12 հունիսի, 2025 թ., 23:34

Հնդկաստանում մի կին 10 րոպեով ուշացել է Air India-ի՝ Ահմադաբադից Լոնդոն թռիչքից՝ օդանավակայան տանող ճանապարհին տիրող խցանման պատճառով: Արդյունքում խցանումը փրկել է կնոջ կյանքը:

Այս մասին հայտնել է Republic TV հեռուստաալիքը։

Բհումի Չաուհանը պետք է թռչեր տուն՝ Մեծ Բրիտանիա, բայց օդանավակայան է ժամանել 10 րոպե ուշացումով։ «Այդ 10 րոպեների պատճառով ես չնստեցի ինքնաթիռ։ Չեմ կարող բացատրել, թե ինչ եմ զգում, դեռ դողում եմ»,- ասել է նա։ Չաուհանն իրեն փրկելու համար շնորհակալություն է հայտնել հինդու աստված Գանպատի Բապպային, որը խորհրդանշում է պաշտպանություն և բարեկեցություն։