«ԱՄՆ-ն կպաշտպանի իրեն և Իսրայելին»․ Թրամփ

ԱՄՆ նախագահ Դոնալդ Թրամփը Fox News-ին հայտել է, որ նախապես գիտեր Իսրայելի կողմից Իրանին հարվածելու ծրագրերի մասին, «անակնկալներ չեն եղել», սակայն ընդգծել է, որ Միացյալ Նահանգները չի մասնակցել գործողությանը։

Նրա խոսքով՝ ԱՄՆ կենտրոնական հրամանատարությունը (CENTCOM) բարձր պատրաստվածության վիճակում է։

«ԱՄՆ-ն կպաշտպանի իրեն և Իսրայելին, եթե Իրանը ձեռնարկի պատասխան գործողություններ։

Մենք չենք կարող թույլ տալ, որ Իրանը ստանա միջուկային ռումբ, և մենք հույս ունենք վերադառնալ բանակցությունների սեղանի շուրջ։ Կտեսնենք», - նախագահի խոսքերն է մեջբերում Fox News-ը։