Երկուշաբթի, 07 հուլիսի, 2025 թ.
|
Ստեփանակերտում`   +19 °C

«Օդային տարածքների փակման հետևանքով ՀՀ քաղաքացիները հայտնվել են Բաքվում, ադրբեջանցիները՝ «Զվարթնոց»-ում». ԱԱԾ

«Օդային տարածքների փակման հետևանքով ՀՀ քաղաքացիները հայտնվել են Բաքվում, ադրբեջանցիները՝ «Զվարթնոց»-ում». ԱԱԾ
666
Ուրբաթ, 13 հունիսի, 2025 թ., 18:36

ՀՀ ԱԱԾ-ն հայտնում է․ «Իրանի Իսլամական Հանրապետության և հարակից որոշ երկրների օդային տարածքների փակմամբ պայմանավորված՝ մի շարք միջազգային ավիաթռիչքներ հարկադրված վայրէջքներ են կատարել «Զվարթնոց» միջազգային օդանավակայանում և տարածաշրջանի այլ երկրների օդանավակայաններում։

Այս հանգամանքի բերումով ՀՀ քաղաքացիներ և ազգությամբ հայեր հայտնվել են Ադրբեջանի մայրաքաղաք Բաքվի օդանավակայանում։ Միևնույն ժամանակ, նույն իրավիճակով պայմանավորված, Ադրբեջանի քաղաքացիներ հայտնվել են «Զվարթնոց» օդանավակայանում։

Հայտնում ենք, որ ստեղծված իրավիճակով պայմանավորված ՀՀ պետական կառույցները իրականացնում են հետևողական աշխատանք»։