Իսրայելի ՊԲ-ն հերքել է կործանիչի խոցման և օդաչուի գերեվարման փաստը

Իսրայելի բանակը հերքել է Իրանի տարածքում կործանիչ ինքնաթիռի խոցման և իսրայելցի կին օդաչուի գերի ընկնելու մասին տեղեկությունները։ ТАСС-ի փոխանցմամբ՝ այս մասին հայտնել է բանակի մամուլի ծառայության ներկայացուցիչը։

«Իսրայելական բանակը հերքում է Իրանի տարածքում կործանիչի խոցման, ինչպես նաև օդաչուի գերեվարման մասին տեղեկությունը», -հայտարարել է գործակալության աղբյուրը։

Ավելի վաղ Tasnim-ը հայտնել էր, որ իրանցի զինվորականները գերեվարել են իսրայելական խոցված ինքնաթիռի կին օդաչուի: