«Տասնյակ իրանական հրթիռներ հասել են իրենց թիրախներին և ոչնչացրել դրանք». ԻՀՊԿ

711

Շաբաթ, 14 հունիսի, 2025 թ., 02:16

Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ Իրանն Իսրայելում գտնվող ռազմական թիրախների վրա իրականացրել է «Ճշմարիտ խոստում 3» գործողությունը՝ ի պատասխան Իսրայելի հարվածների, հայտարարել է ԻՀՊԿ-ն: Իրանի հրթիռները երկու անգամ հարվածել են Իսրայելի պաշտպանության նախարարության շենքին, հայտնել է Իրանի պետական լրատվական IRNA գործակալությունը։

«Ցամաքային հաղորդագրությունները, արբանյակային լուսանկարները և հետախուզական տվյալները վկայում են ռազմավարական թիրախներին հարված հասցրած տասնյակ բալիստիկ հրթիռների արդյունավետության մասին: Թշնամին, չնայած դրանք որսալու մասին իր պնդումներին, չի կարողացել հակազդել Իրանի հրթիռային հարձակումներին», - հայտնել է ԻՀՊԿ մամուլի ծառայությունը։
Ավելի վաղ իրանական լրատվամիջոցները հայտնել էին Իսրայելի վրա հրթիռային հարվածների երեք ալիքի մասին: