«Իրանը հայտարարել է, որ կհարձակվի Իսրայելին աջակցող ցանկացած երկրի ռազմաբազաների վրա»․ CNN

Իրանը կուժեղացնի Իսրայելի վրա իր հարձակումները և կհարվածի Իսրայելին պաշտպանող ցանկացած երկրի ռազմաբազաներին։ Այս մասին CNN-ին ասել է իրանցի բարձրաստիճան պաշտոնյան։

«Ցանկացած երկիր, որը կփորձի պաշտպանել ռեժիմը իրանական գործողություններից, իր հերթին կտեսնի, որ իր տարածաշրջանային բազաներն ու դիրքերը կդառնան նոր թիրախներ»։
Ավելի վաղ ամերիկյան և իսրայելական աղբյուրները CNN-ին հայտնել էին, որ ԱՄՆ զինված ուժերը օգնել են Իսրայելի վրա արձակված իրանական հրթիռները կասեցնելուն։ Իսրայելական աղբյուրը CNN-ին ասել է, որ տարածաշրջանի այլ երկրներ նույնպես աջակցել են Իսրայելի օդային պաշտպանությանը։