Ֆեոդոր Բոնդարչուկի ֆիլմի նկարահանող խմբի 86 անդամներ տարհանվել են Իրանից

377

Շաբաթ, 14 հունիսի, 2025 թ., 14:14

Ռուսական կողմը Իրանից տարհանել է ռեժիսոր Ֆեոդոր Բոնդարչուկի ֆիլմի նկարահանող խմբի 86 անդամներին։ Բացի ռուսներից, խմբում եղել են նաև Բելառուսի, Լատվիայի, Սերբիայի, Ուզբեկստանի և Տաջիկստանի քաղաքացիներ, ասվում է Ռուսաստանի արտաքին գործերի նախարարության հայտարարության մեջ։

86 հոգուց բաղկացած առաջին խումբը, այդ թվում՝ երկու երեխա, հունիսի 14-ի գիշերը հատել է Իրանի և Ադրբեջանի միջև պետական սահմանի ցամաքային հատվածը՝ Աստարայի բազմակողմ ավտոմոբիլային անցակետով։ ՌԴ ԱԳՆ-ն շնորհակալություն է հայտնել ադրբեջանական կողմին։

Նկարահանող խումբը Իրանում աշխատում էր «Դժվար է Աստված լինել» սերիալի վրա։

Տարհանվածների թվում է նաև Չայկովսկու անվան սիմֆոնիկ նվագախմբի ջութակահար Հայկ Գազազյանը։