ՑԱԽԱԼ-ը հայտնել է Իրանի միջուկային ծրագրի ինը առաջատար գիտնականների սպանության մասին

Իսրայելի պաշտպանության բանակը հայտնել է Իրանի միջուկային ծրագրի ինը առաջատար գիտնականների և փորձագետների սպանության մասին։
Իսրայելական կողմի խոսքով՝ բոլոր սպանվածները կարևոր պաշտոններ են զբաղեցրել Իրանի միջուկային նախագծում և տասնամյակների կուտակված փորձ ունեին միջուկային զենքի մշակման գործում:
Սպանված իրանցի գիտնականներն են

▪️Ֆարիդուն Աբբասի - միջուկային ճարտարագիտության փորձագետ
▪️Մոհամմադ Մեհդի Թեհրանշի - ֆիզիկայի փորձագետ
▪️⁠Աքբար Մաթալի Զադեհ - քիմիական ճարտարագիտության փորձագետ
▪️⁠Սաիդ Բարջի - նյութագիտության փորձագետ
▪️⁠Ամիր Հասան Ֆահի - ֆիզիկայի փորձագետ
▪️⁠Աբդ Էլհամիդ Մինուշհար - միջուկային ֆիզիկայի փորձագետ
▪️⁠Մանսուր Ասղարի - ֆիզիկայի փորձագետ
▪️⁠Ահմադ Ռեզա Դ'Օլֆաքրի Դարիանի - միջուկային ճարտարագիտության փորձագետ
▪️⁠Ալի Բուհայ Կատրիմի - մեխանիկայի փորձագետ։
Իսրայելի պաշտպանության բանակը հայտարարության մեջ նշել է, որ նրանք կարևոր դեր են խաղացել Իրանի կողմից միջուկային զենք ստանալու ճանապարհին: Նրանց ոչնչացումը, ըստ Իսրայելի պաշտպանության բանակի, հնարավոր է դարձել իսրայելական հետախուզության կողմից հավաքված ճշգրիտ հետախուզական տվյալների շնորհիվ: Իսրայելի ռազմաօդային ուժերը հունիսի 13-ին գործել են այդ տվյալների հիման վրա, ըստ Իսրայելի պաշտպանության բանակի: