Ալիևն ու Էրդողանը քննարկել են Իրանի և Իսրայելի միջև լարվածության սրումը

Ալիևը և Էրդողանը քննարկել են Իրանի և Իսրայելի միջև լարվածության սրումը. զրույցը տեղի է ունեցել թուրքական կողմի նախաձեռնությամբ։ Այս մասին հայտնել են ադրբեջանական լրատվամիջոցները:

Զրույցի ընթացքում երկու երկրների ղեկավարները մտահոգություն են հայտնել Իրանի և Իսրայելի միջև իրավիճակի սրման կապակցությամբ՝ ընդգծելով լարվածության արագ կարգավորման կարևորությունը և խնդիրները բանակցությունների միջոցով լուծելու անհրաժեշտությունը։

Ադրբեջանի և Թուրքիայի նախագահները մտքեր են փոխանակել երկու երկրների միջև եղբայրական և ռազմավարական դաշնակցային հարաբերությունների օրակարգին վերաբերող հարցերի շուրջ։