«Քո պատերազմը նույնպես պիտի ավարտվի». Թրամփը՝ Պուտինին

ԱՄՆ նախագահ Դոնալդ Թրամփը Truth Social սոցցանցի իր էջում անդրադարձել է Վլադիմիր Պուտինի հետ այսօրվա հեռախոսազրույցին:

«Այսօր առավոտյան նախագահ Պուտինը զանգահարել է ինձ՝ շատ բարյացակամորեն շնորհավորելու ծննդյանս օրվա առթիվ, բայց, ինչն ավելի կարևոր է՝ խոսելու Իրանի մասին, մի երկրի, որը նա շատ լավ գիտի»,- հայտնել է Թրամփը:

«Մենք երկար խոսեցինք։ Ռուսաստանի և Ուկրաինայի մասին խոսելու համար շատ ավելի քիչ ժամանակ ծախսվեց, բայց դա կլինի հաջորդ շաբաթ։ Պուտինն իրականացնում է գերիների նախատեսված փոխանակում. երկու կողմերում էլ միանգամից մեծ թվով գերիներ են փոխանակվում։

Զրույցը տևել է մոտ 1 ժամ։ Նա, ինչպես ես, կարծում է, որ Իսրայելի և Իրանի միջև պատերազմը պետք է ավարտվի, ինչի հետ կապված բացատրեցի, որ նրա պատերազմը նույնպես պետք է ավարտվի», - գրել է ԱՄՆ նախագահը։