Հնդկաստանը ցանկանում է Իրանից իր ուսանողներին տարհանել Հայաստանի տարածքով

Իսրայելի և Իրանի միջև լարվածության սրման հետևանքով Հնդկաստանն սկսել է իր քաղաքացիների տարհանումը Իրանի այն հատվածներից, որոնք դիտարկվում են՝ որպես բարձր ռիսկային: Ակտիվորեն քննարկվում են Հայաստանի միջոցով տարհանման տարբերակները, հաղորդում է The New Indian Express-ը:
Հնդկաստանի արտաքին գործերի նախարարությունը երկուշաբթի օրը հաստատել է, որ Հնդկաստանի քաղաքացիները, այդ թվում՝ ուսանողները, տեղափոխվում են Իրանի ավելի անվտանգ վայրեր՝ Թեհրանում Հնդկաստանի դեսպանատան հսկողության ներքո։

Կառավարությունն ուսումնասիրում է տարհանման ուղիները, և քննարկումներ են ընթանում Հայաստանը որպես անվտանգ ուղղություն օգտագործելու հնարավորության վերաբերյալ։

Պաշտոնյաները հայտնել են, որ Հնդկաստանի արտաքին գործերի նախարար Ջայշանկարը հանդիպում է ունեցել իր հայ գործընկեր Արարարտ Միրզոյանի հետ՝ քննարկելու լոգիստիկ և դիվանագիտական ​​համակարգումը։

Հնդկաստանի կառավարության տվյալներով՝ 2022 թվականի դրությամբ Իրանում բնակվում էր մոտ 10000 Հնդկաստանի քաղաքացի, այդ թվում՝ ավելի քան 2000 ուսանող։