ԱՄՆ-ի զորքերը լքել են Սիրիայի երկու ռազմաբազաները` քրդերին ահաբեկիչների դեմ մենակ թողնելով. Reuters

ԱՄՆ-ի զորքերը լքել են Սիրիայի հյուսիս-արևելքում գտնվող երկու ռազմաբազաները, ինչը մտահոգում է քրդերին՝ տարածաշրջանում ԴԱԻՇ զինյալների աճող ակտիվության ֆոնին։

Ռոյթերսի տվյալներով՝ ԱՄՆ-ի զորակազմը «վերջերս լքել է օբյեկտները»։

Գործակալությանը տված մեկնաբանության մեջ քրդական «Սիրիական ժողովրդավարական ուժերի» հրամանատար Մազլում Աբդին նշել է, որ տարածաշրջանում մնացած ամերիկացի զինվորների ներկայությունը բավարար չէ զինյալներից եկող սպառնալիքը զսպելու համար։