Իրանի հարվածներից ավելի քան 800 մարդ է տուժել, 3 800-ը՝ տարհանվել

Իսրայելում ավելի քան 800 մարդ է տուժել Իրանի հրթիռային հարվածների հետևանքով։ Այս մասին հայտնել է Իսրայելի կառավարությունը։

Հաղորդվում է նաև, որ ռմբակոծությունների սպառնալիքի պատճառով մոտ 3.8 հազար մարդ տարհանվել է։

«Հունիսի 13-ից ի վեր Իրանի տարածքից Իսրայելի վրա արձակվել է 400 բալիստիկ հրթիռ, արձանագրվել է 40 վայր, որտեղ պայթել են հրթիռները, զոհվել է 24 մարդ, վիրավորվել՝ ավելի քան 800-ը»,- Telegram ալիքում հայտնել է Նեթանյահուի գրասենյակի խորհրդական Դմիտրի Գենդելմանը։

Ավելի վաղ Իրանը հրթիռային հարվածներ էր հասցրել Թել-Ավիվին և Իսրայելի այլ քաղաքներին։