Թանգարանում տղամարդը փորձել է նստել «Վան Գոգի աթոռի» վրա և վնասել է այն

Իտալիայի Վերոնա քաղաքի Պալացցո Մաֆեի թանգարանում տեսախցիկները նկարել են, թե ինչպես է այցելուներից մեկը փորձում նստել սվարովսկի բյուրեղներով զարդարված աթոռ-ցուցանմուշի վրա և կոտրում այն:
«Վան Գոգի աթոռ» անունով այս քանդակի հեղինակը՝ իտալացի արվեստագետ Նիկոլա Բոլին, այն ստեղծել է՝ ոգեշնչվելով Վինսենթ Վան Գոգի նշանավոր կտավներից «Ննջասենյակ»-ի մեջ պատկերված աթոռով:
Ուկրաինացի այցելուն լուսանկարվելու համար փորձել է նստել ցուցանմուշի վրա, ինչի արդյունքում այն չի դիմացել նրա մարմնի ծանրությանը:
Թանգարանի տնօրինությունը հրապարակայնորեն քննադատել է միջադեպը՝ այն անվանելով թեթևամիտ և անհարգալից և նշել, որ անպատասխանատու այցելուները սպասել են մինչև թանգարանի աշխատակիցները հեռանան, որից հետո իրականացրել են իրենց օրինազանցությունը. «Նրանք արհամարհել են արվեստի և մշակութային ժառանգության հանդեպ բոլոր կանոնները»,- հայտնել է թանգարանը:
Մասնագետներին հաջողվել է ցուցանմուշը վերականգնել ինչպես որ հարկն է:
Վերականգման արժեքը չի բարցահայտվել, ինչպես նաև հայտնի չէ, թե արդյո՞ք օրինազանց զբոսաշրջիկը պատասպանատվություն կկրի իր արարքի համար, թե ոչ: