«Զիջելու է արտաքին ճակատներում, իսկ Հայաստանի ներսում բռնությունների է դիմելու»․ Արթուր Խաչատրյան

ԱԺ «Հայաստան» խմբակցության պատգամավոր Արթուր Խաչատրյանը ֆեյսբուքյան իր էջում գրում է․ «Փաշինյանն արտաքին հարաբերություններում չի ուզում մեղավոր ու անմեղ փնտրել, իր համար հեչ կարևոր չէ, թե հայ-թուրքական սահմանն ովքեր են փակել (բա հո՞ չի ասի՝ թուրքերն են փակել ու փակ են պահում)։ Բայց Հայաստանում, իրենից բացի, բոլորը մեղավոր են։ Ինքն անմեղ է, իր 7 տարվա բոլոր ձախողումներում ինքն անմեղ է, իսկ մեղավորներին խստորեն պետք է պատժի։ Պարզ լեզվով ասած՝ ինքը զիջելու է արտաքին բոլոր ճակատներում, իսկ Հայաստանի ներսում բռնությունների է դիմելու։ Միգուցե հենց ներքին բռնությունների՞ է դիմում, որ ոչ ոք չկանխի իր արտաքին զիջումները․․․»։