Գերմանիայում պահանջում են պատժել Մերցին՝ Իսրայելին աջակցելու համար

509

Շաբաթ, 21 հունիսի, 2025 թ., 23:10

Գերմանիայում պահանջում են պատժել Մերցին՝ նրան մեղադրելով Իսրայելի և Իրանի միջև «պատերազմ հրահրելու» մեջ։ Այս մասին հաղորդում է Berliner Zeitung-ը։

Գերմանացի մշակութային և քաղաքական մի խումբ գործիչներ բողոք են ներկայացրել Դաշնային դատախազություն և Բեռլինի դատախազություն՝ կանցլեր Ֆրիդրիխ Մերցի դեմ։

Ավելի վաղ Իրանին Իսրայելի հարվածները Մերցը «կեղտոտ աշխատանք» էր անվանել, որն «Իսրայելն անում է բոլորիս համար»։

Մերցը մեղադրվում է «ագրեսիվ պատերազմ հրահրելու», «խաղաղ համակեցության սկզբունքները խախտելու» և անգամ «նացիստական հռետորաբանությանը նման հռետորաբանություն օգտագործելու» մեջ։

Քաղաքական գործիչների կարծիքով՝ կանցլերի խոսքերը հակասում են Գերմանիայի Դաշնային Հանրապետության Սահմանադրությանը և ՄԱԿ-ի կանոնադրությանը։