Ռուսական լրատվամիջոցների անդրադարձը՝ Նիկոլ Փաշինյանի աղմկահարույց գրառմանը

Ռուսական լրատվամիջոցներում ևս լայն արձագանք է գտել ՀՀ վարչապետի այսօրվա սկանդալային գրառումը։ Հիշեցնենք՝ սոցկայքի իր էջում Նիկոլ Փաշինյանը գրել էր․ «Կտրիճ Ներսիսյանի խոսնակը հրապարակում է արել, թե ես իբր թլպատված եմ։ Պատրաստ եմ ընդունել Կտրիճ Ներսիսյանին ու իր խոսնակին և ապացուցել հակառակը։ Իսկ ինքը թող ի վերջո պատասխանի հարցին՝ կուսակրոնության ուխտը խախտե՞լ է, թե ոչ։ Զավակ ունի՞, թե ոչ»։

Թեմային անդրադարձել են Газета-ն, Лента-ն, Вести-ն, Life-ն ու այլ լրատվամիջոցներ՝ հիշեցնելով, որ Փաշինյանի և Եկեղեցու միջև հակամարտությունը շարունակվում է այս տարվա մայիսից։