«Իրանի միջուկային օբյեկտները լիովին ոչնչացվել են». Թրամփ

Իրանին ուղղված հարվածները հաջողված են եղել։ Այս մասին կարծիք է հայտնել ԱՄՆ նախագահ Դոնալդ Թրամփը։

Truth Social սոցցանցում Թրամփը քննադատել է CNN-ին և New York Times-ին՝ նրանց մեղադրելով «պատմության մեջ ամենահաջող ռազմական հարձակումներից մեկը նսեմացնելու փորձի մեջ», այն բանից հետո, երբ այս լրատվամիջոցները հաղորդել էին հետախուզության գնահատականների մասին, որոնց համաձայն Իրանին ուղղված հարվածները լիովին չեն ոչնչացրել նրա միջուկային ծրագիրը։

«ԻՐԱՆԻ ՄԻՋՈՒԿԱՅԻՆ ԿԵՆՏՐՈՆՆԵՐՆ ԱՄԲՈՂՋՈՎԻՆ ՈՉՆՉԱՑՎԵԼ ԵՆ», - հավելել է Թրամփը՝ լրագրողների հաղորդագրություններն անվանելով կեղծ լուրեր։

New York Times-ը, հղում անելով մի քանի իսրայելցի պաշտոնյաների, հաղորդել էր, որ Իրանում պահպանվել է փոքր, ուրանի հարստացման գաղտնի օբյեկտներ, որոնք հատուկ կառուցվել էին նրա միջուկային ծրագրի շարունակման համար՝ ավելի մեծ օբյեկտների վրա հարվածների դեպքում, ինչը Նիդերլանդներում ՆԱՏՕ-ի գագաթնաժողովին ստվեր է նետել Թրամփի հաղթանակի վրա։